Event: Burberry Hong Kong New Flagship Store Opening
Venue: Pacific Place Hong Kong
Date: 01 November, 2012
Guest (Focus): SooYoung & Yuri@Girls'Generation
11月1號，係剛送走來港參與西太后品牌Fashion Show既YoonA(林允兒)之後第二日。又係SONE* 再要忙既日子，因為呢一日到左另外兩位少女時代成員 SooYoung(崔秀英)以及 Yuri(權侑莉)來港既日子。小編未有到機場視察Fans接機情況，不過亦唔難想像得到SONE們既熱烈程度，因為無論去到邊一個國家都好，少女時代成員出現既地方都唔會唔熱鬧。
(*少女時代Fans稱呼)
聽閒原本兩位既抵港航班都係同先來港既隊員 YoonA所乘搭既航班一樣屬早上航班，最終兩位都係乘搭中午時間航班來港，不過無損SONE們對佢地既熱情，兩位一到步立即就得到同早一日 YoonA到港既時候一樣既熱烈歡迎，而兩位亦好識做咁不時揮手回應，秀英更加不斷以飛吻報答"粉絲"，對大家非常親切。
落機後兩位都無預太多時間“巡鋪”，到酒店休息一下，安頓好就要準備到會場預備室準備。
到左夜晚7點左右，SONE們都已經齊集係Pacific Place既商場大堂霸定好位等 少時兩位成員出現，現場不時都傳出SONE們既吶喊聲，少女時代既口號都不時“響起”，人氣鼎盛！不過係兩位黎到之前，本地同海外既其他明星亦陸續到場，例如係之前一晚為西太后品牌行Show既 黃偉文結伴 容祖兒到場、名模 Ana.R、梁漢文、何韻詩亦結伴明哥 黃耀明到場，以及其他合共二十多位明星，其中最受傳媒及公眾關注當然係 黃曉明、張曼玉、變形金剛3 女主角Rosie Huntington Whiteley 以及 Burberry Chief Creative Officer, Christopher Bailey。
Burberry Chief Creative Officer, Christopher Bailey
少女時代成員(圖左：SooYoung 崔秀英，圖右：Yuri 權侑莉)
一眾明星陸陸續續到場之後，係Burberry創作總監 Christopher Bailey到場後無耐，少時兩位成員亦都黎到會場，立刻令現場氣氛更加熱烈。首先係 Yuri先到記者拍攝區俾一眾傳媒朋友影相，接住就到 秀英進場，不過秀英原來係服裝上出現左少少問題所以稍為需要助手幫助。秀英亦唔介意先俾各等候已久既傳媒朋友以及Fans影相，跟住就同隊友 Yuri一齊接受傳媒採訪，助手亦係呢個時候為秀英蓋上大褸，但雖然同時鞋踭受損方面難以即時補救，不過 秀英一樣以專業態度應對，絕無表現失態，盡顯大將之風。
現場SONE們一直為兩位歡呼，分別以韓語叫出兩位既名，亦不斷以韓語叫住"少女時代"，場面有如演唱會會場一樣，搶盡風頭。兩位亦繼續親切回應在場支持者，聽到叫到自己個名都會同Fans們揮手回應，亦跟住口號拍子作出回應，表現完全無架子，令現場Fans們更瘋狂！相信在場各位都感覺到"等左咁耐都係值得架！！"既呢種感覺。(笑
接受完文字採訪後，兩位亦去到視像採訪位置接受電視、網上新聞網等媒體採訪，被問到今次到港會唔會出去行下同對Fans們咁熱烈支持既感受，則表示先前曾經來港開演唱會，亦希望係今次可以享用到香港美食同欣賞夜景，好多謝Fans們既熱烈歡迎及支持。至於被問到會唔會再係香港開演唱會，兩位亦透露如果再開巡迴演唱會，香港會係其中考慮之一。係回應完各傳媒提問之後，秀英同 Yuri就步入Event會場內參加今次活動，支持者亦繼續係門外範圍守候。兩位係會場逗留一段時間，與在場各界人士閒談過後便離開會場，返回酒店休息。
據聞翌日兩位係酒店附近拍攝過宣傳照後，閒逛過一陣就到機場返韓，準備之後到日本宣傳新日本單曲。
據聞翌日兩位係酒店附近拍攝過宣傳照後，閒逛過一陣就到機場返韓，準備之後到日本宣傳新日本單曲。
有關片段：
Cr：SOSICORE.COM
Cr：CSY Bar
攝：Alexander Leung@THE NINTH CENTURY / 文：Alexander Leung@THE NINTH CENTURY
沒有留言:
張貼留言