130321 HKAMF 香港亞洲流行音樂節2013 消息更新

[HKAMF 香港亞洲流行音樂節2013] Official Poster

各位好呀! 相信有留意開本年度 香港亞洲流行音樂節2013 又或者其他Kpop 資訊網以及討論區既朋友都已經知道，韓國地區代表 少女時代 已經係今晚8點半左右黎到香港，而且係機場亦都有一大班Fans守候，氣氛都唔錯架！小編我今次特登係收工之後趕到現場，睇下SONE(少女時代支持者專稱) 既情況，整體上SONE係今次都好守規矩，無令各工作人員難做，而且都比過往臨場表現好，並無出現亂衝馬路、阻塞交通、或亂拍車門既情況，感覺到SONE都係一班好Fans！(笑

其實聽聞係聽日既表演當中，特別係 少女時代 上台演出既時候，本地既各個SONE組織都安排左為9位成員進行各個應援項目，當中包括左 少女時代 各成員個站、香港本地團站 以及 由8個少女時代後援會所組成既 「香港少女時代聯合後援會」聯同國際團站 SOSICORE 進行應援，睇黎聽晚現場都會有好多唔同種類應援物出現，認真期待期待！

當然聽晚除左有韓國既代表進行表演之外，亦會有黎自亞洲其餘 6 個地方既表現單位，包括中國、香港、台灣、日本、新加坡以及馬來西亞既代表，所以大家都要密切留意，齊齊力撐今次活動既嘉賓喇！

今次，TNC兩位小編都會為 香港亞洲流行音樂節2013 進行拍攝及文字記錄，有時間見到我同KIM 就過黎打個招呼啦 (不過小編我.. 都應該唔會早到太多喇 ㅋㅋ

各位有飛無飛、到現場或者會去到戲院睇直播、抑或留係家中睇直播既讀者們！ 聽日就一齊支持各表演單位啦！Fighting！

Have a nice day!
Alexander Leung@THE NINTH CENTURY

HKAMF 香港亞洲流行音樂節2013 官方網頁：
http://www.hkamf.org

騰訊微博官方網頁：

http://hk.qq.com/hkamf

香港影視娛樂博覽活動網站：

http://www.eexpohk.com