NCT 127 無懼颱風 澳門首次粉絲見面會

NCT 127 無懼颱風 澳門首次粉絲見面會

韓國男團NCT 127喺過去嘅星期六無懼颱風卡努嘅吹襲,喺澳門新濠影匯舉行《NCT 127 FAN MEETING in MACAU》粉絲見面會。演出喺7點由〈無限的我〉拉開序幕,雖然有一部份粉絲未趕得及進場,但場內氣氛依然高漲,及後又用廣東話逐一同粉絲們打招呼,又叫遲入場既粉絲小心啲,認真識得冧粉絲。



喺回答粉絲提問嘅環節,9子被問到覺得最注重時尚嘅成員喺邊個時,大部份成員都揀咗泰容。泰容就話可能因為佢成日買衫買帽,所以成員會覺得佢比較注重時尚,而成員JONNY就話泰容比起注重自已,更鐘意評論其他成員點著衫,希望泰容唔好再管佢著咩衫咁話。至於道英就被選為「不論放咩音樂都可以跟著跳舞」嘅成員,大家都話講到跳舞就一定係揀道英,而佢亦都即場跳舞。泰容亦被起哄跳咗PART性感舞,引到台下粉絲放聲尖叫。

9子對今次粉絲見面會可謂俾足誠意,對於MC提問一啲關於澳門嘅問題,全部對答如流,相信當晚在場嘅粉絲都感受到佢地9個有幾咁鐘意澳門嘅粉絲啦。各位NCTzen都要記住佢地講嘅唔好變心啊。

記得去看 NCT 127 FAN MEETING in MACAU 記者會 Press Conference 高清相片: http://bit.ly/nct127macau

小編:希望下次會在香港見到NCT吧!

OKPOP/ okpoptime.com/ 如需轉載文章,請先與管理員聯絡。
Kim Chung
Kim Chung

OKPOP與您分享最新韓流資訊、最熱門韓劇、韓星動態!

沒有留言:

張貼留言